TACLOBAN CITY – Nakaeskapo an 2 nga mga detainee han custodial facility han Tacloban City Police Office.
Ginkilala an mga suspek nga hira Mark Paul Grabillo, 25 anyos an pangidaron, residente han Brgy. 62-A Sagkahan, siyudad bhan Tacloban ngan Rogelio Lao, alyas “Buwaya”, 29 anyos ngan residente han Brgy. 36 Sabang, han mao nga siyudad.
Basar ha inisyal nga imbestigasyon, nagreklamo hi Lao ha duty jailer nga hi PO3 Mark Bardillon nga diri hiya nakakahinga hin maupay ngan gindara naman ini hiya dayon ha lobby han mao nga presuhan ngan gin-asistaran han igkasi preso nga hi Grabillo para makasinghut hin presko nga hangin.
Samtang nakadto na ha lobby han mao nga presohan tigda nala nga nakigdulong hi Grabillo ha bantay ngan hi Lao naman in gin abrehan an gate ngan dayon nga dumalagan pagawas ngan sumunod naman hi Grabillo.
Gin probaran pa nga lanaton han duty jailer an duwa nga suspek pero ini in waray na niya aabti.
Ha pagkayana in padayon an ginbubuhat ngan manhunt operation han mga kapulisan ha duha nga pugante.
