NATIONAL–Ada ha 15 nga senador an pumirma ha draft resolution nga nga igpakita an pag-kabaraka ha Chinese embassy mahuman magpahayag hin mga magpaso nga pulong ha pira nga opisyal han Pilipinas mahitungod ha ira paninindugan ha isyu han West Philippine Sea (WPS).
Nagtikang an word war ha parte han pira nga senador ngan embahada han China mahuman nga ginbatikos ni Se. Francis Pngilinan mahitungod ha pagbatikos hini ha ginpakusog nga military drills han China ha palibot han Taiwan, samtang hi Sen. Risa Hontiveros in gintawag an China nga ‘bad guest’ ha diplomatic protest kasumpay han pahayag ni Philippne Coast Guard West Philippine Sea Spokesman Commodore Jay Tarriela.
Samtang, ginmalatuamat naman ni Senate President Pro Tempore Panfilo Lacson nga possible nga ginlilikayan han pira ka mga senador an pagpirma ha resolution agud nga dire dumuro an tensyon ha parte han Pilipinas ngan Beijing.
Dugang pa hini nga an mga ginpupugnan ha pagpasa ha resolusyon in nagpapakita han ira mga pro-China leanings, ha kaluyo han mga serye han harrassmant nga naabat han mga parupangisda ngan personnel han coast guard ngan Navy han Pilipinas.
Nagserbe naman hi Sen. Imee Marcos hin Senaate Resolution 267 nga gin-aaghat an ngatanan nga opisyal nga magin mahirot ngan diplomatiko nga pahayag, ngan pasgdan an Department of Foreign Affairs an kumapot ha mga diplomatiko nga tensyon.
Ginklaro naman nira Sotto ngan Lacson nga dire sirot an pagkakapiwas kan Imee ha iya anay posisyon ngan parte la ini ha pag-uupay ha post nga para ha miyembro han majority.
Basar ha Senate Ruiles, an Foreign Relations Committee an responsable ha ngatanan nga butang nga mayada kalabutan ha reslasyon han Pilipians ha iba nga nasud,
diplomatic ngan consular services, ASEAN, United Nations, ngan iba pa nga multilateral orgnaizations, pati na gihapon kaupayan han mga overseas Filipino.
