-- Advertisements --
TACLOBAN CITY – Nagpahinumdom an National Grid Corporation of the Philippines (NGCP) ha mga konsumidor han LEYECO II bahin han nakatalaan nga power interruption buwas nga adlaw han Dominggo.
Sumala kan Melfrance Capulong han NGCP, mahagos hin dose oras tikang ala sais hit aga tubtob ala sais hiton gab-i an mao nga power interruption.
Maapektaran hini an bug-os nga coverage o franchise area han LEYECO II ha Tacloban, Palo ngan Babatngon.
Panuyuan naman han mao nga scheduled power interruption nga matagan hin iwag an pagbubuhaton nga maintenance work ha ira Babatngon-Arado 69KV line partikular na an conversion of structures, installation o correction han overhead ground wires ngan sugadman conductor catchers.
