TACLOBAN CITY – Sumaka pa ha 60 an nahipatik na patay ngan 19 na missing tikang dida han lumasurbo an Bagyong Urduja ha Sinirangan Bisayas.
Sumala kan Regional Director Edgar Posadas han Office of Civil Defense (OCD) Regional Office 8 na kadam-an ha mga narecover na patay na lawas in tikang ha tulo na municipalidad ha Biliran kun diin nahitabo an duro na pagbaha ngan landslide.
Dugang pa ni Posadas na nagpapadayon pa an search and retrieval operation han mga otoridad partikular ha Barangay Lucsuon, Naval, Biliran.
Guinmalatumat pa hini na mahitungod na pira na kaadlaw an nakakalabay tikang han pag-igo han Bagyong Urduja in kamot o utod na parte nala han lawas o mga bukog an nakukuha ha mao nga lugar.
An kaparte han pamahayag ni Regional Director Edgar Posadas han Office of Civil Defense (OCD) Regional
Office 8
Mababaruan na ha parte la han Biliran in unom an nahipatik na landslide tikang ha magkadirudilain na municipalidad.
Samtang, ha pagkayana in mahugot la guihapon an guinbubuhat na search and rescue operation ha masobra 15 pa nga parapangisda na padayon nga nawawara ha nalunod na MV Decolores tikang ha pag-igo han Bagyong Urduja.
Una na nga narescue an umabot ha 11 na mga parapangisda ha parte han Dolores, Eastern Samar samtang 5 naman an nahireport na patay na sakay han nalunod na MV Belmar.
