Gintagan-duon ni House prosecutor ngan Akbayan Party-list Rep. Chel Diokno nga kinahanglan umatender ha impeachment court hi Vice President Sara Duterte agud mag-entra han plea kasumpay ha ginkakaatubang nga impeachment case.
Eksplikar ni Diokno, klaro ha rules han Senado kumo impeachment court an mando nga kinahanglanon batunon ni VP Sara an articles of impeachment ngan kinahanglan gihapon magkamayda hin usa nga hearing nga ginkakaatubang hini agud masabtan kun ano an magigin plea hini.
Sumala kan Diokno, kun magmatig-a hi VP Duterte ngad dire magpakita, an impeachment court na an bahala nga maglatag hin not-guilty plea para ha iya.
Ginmalatumat ni Diokno nga basar ha rules, ha pagtitikang han impeachment trial ha July 6 in dapat mag-isyu an Senate Impeachment court hin writ of summons para ha entry of appearance ni VP Duterte.
