Mahugot nga ginpanhimuwa ni Department of the Interior and Local Government Sec. Jonvic Remulla an mga notisya nga nakakarawat hin espesyal nga pagtratar an contractor nga hi Curlee Discaya mahuman ini dakpon kasumpay han mga kaso nga may paghisumpay ha maanomalya nga flood control projects.
Ginmalatumat ni Remulla nga waray kamatuoran an mga alegasyon nga ginproproteheran hi Discaya mahitungod ha daw koneskyon hini ha mga dumagko nga personalidad ha politika.
Sugadman, ginklaro han sekretarya nga kaparehas han pira nga detainess, ginbubutang hi Discaya ha regular nga detention facility.
Samtang, ginmalatumat gihapon han DILG chief nga nagpapadayon an imbestigasyon ha flood control anomaly ngan ginlalauman pa an pagkakadakop han iba pa nga dabi ha operasyon.
