Nagpahayag hi Pasig City Mayor Vico Sotto hin suporta ha mga pitad ha korapsyon mahuman dakpon han mga otoridad an contractor nga hi Curlee Discaya dida han Lunes, Hunyo 8, 2026.
Sumala ha Philippine National Police, ginsirbi an warrant of arrest kan Discaya mahitungod ha kaso nga maleversation kasumpay han maanomalya nga flood control projects ha Bulacan.
Ha usa nga Facebook post, ginmalatumat ni Vico nga naglalaum hiya nga mas damo pa nga dabi ha korapsyon an mapapagbaton ha balaud.
Bisan man nagpahayag hin pagkadismaya ha padayon nga mga isyu han korapsyon ha nasud, ginmalatumat han alkalde nga may nakikita hiya nga gutiay nga “improvemet” ha kampanya kontra hini.
Nanawagan gihapon hiya ha publiko nga padayon nga bantayan an mga irregularidad ha gobyerno agud mapiritan nga gumios hin mas epektibo.
