Sumaka na ha sobra 8,642 nga eskuylahan ha 43 school divisions ha unom nga rehiyon an naapektaran han magnitude 7.8 nga linog nga umigo ha kadagatan han Maasin, Sarangani dida han Lunes, sumala ha Department of Education.
Ha pinaka-urhi nga notisya han DepEd, sobra 4,090,246 nga estudynayte ngan 156,282 nga magturutdo ngan tinaglawas ha Regions IX, X, XI, BARMM ngan Caraga an naapektaran han suspension han klase.
Ha pauna nga damage assessment, 381 nga klasrum an partially damage, 93 an grabi nga nadarahigan, ngan 62 an totally damage, bisan man padayon pa nga ginbeberipika ini han mga engineer.
Ginmando gihapon ni Education Sec. Sonny Angara hin dayon nga inspeksyon ha mga eskuylahan, labi na ha Region XII, ngan ginsigurado nga igpapailarum ha mahugot nga pangita an tanan nga pasilidad ugsa igpadayon an face-to-face classes.
Padayon gihapon nagdudumara hin search and rescue ngan damage assessment an mga otoridad samtang ginpahimatngunan an publiko nga lumikay ha mga naruba nga mga imprastruktura mahitungod ha posibilidad han magkusog nga aftershock.
