NATIONAL NEWS- Igin-isa ha yellow alert an Visayas power grid yana nga adlaw mahuman an pira ka serye hiton pagkawara han suplay han kuryente kasunod han makusog nga pagbay-og nga umigo ha Bogo City, Cebu .
Ha nagin advisory tikang ha National Grid Corporation of the Philippines (NGCP), epektibo an yellow alert tikang ala-una kutob alas alas-12 niyan hiton ka-agahon .
Subay ha grid operator, mayda presente nga kapasidad an grid nga 1,888 megawatts ngan dire harayo an agwat tikang ha peak demand nga 1,839 MW.
Ada naman ha 27 nga planta an nag-forced outage, matungod ha linog samtang 16 dinhi in dire pa abelable ugsa paman nga umigo an linog.
Ha kabug-usan ada ha 1654.7 MW an mga dire abelable nga grid.
Ginpapailarom mangud an usa nga grid ha yellow alert kun dire sadang an operating margin agud nga batunon an contingency requirement han transmission grid.
Sakop naman han Visayas grid an interconnected island grids ha Cebu, Negros, Panay, Leyte, Samar ngan Bohol.
Ha pagkayana, ada na ha normal an kondisyon ha Luzon ngan Mindanao power grid.
