Igin kangalas ni Senator Joel Villanueva an pagigin “punching bag” ha kada mayda nahitatabo nga anomaliya ha flood control projects ha Bulacan.
Gin panhimuwa gihapon han senador nga mayda hiya hibabruan ha P600 milyon nga insertion ha unprogrammed funds dida han 2023 national budget.
Ginbuhat han senador an pahayag mahuman nga kumprontahon ni Senate President Pro Tempore Panfilo Lacson an pagkakamay-ada hin P600 milyon nga pondo para ha Bulacan flood control projects ha 2023 unprogrammed budget.
Ha pag-ihap ni Lacson in mayda ine pito ngada ha walo nga gamit nga nagkakantidad hin P75 milyon kada usa ngan mayda kabug-usan nga kantidad nga P600 milyon.
Syahan na nga ginbulgar ni anay assistant district engineer Brice Hernandez han Department of Public Works and Highways (DPWH) nga umaro hin 30% hi Villanueva ha P600M insertion.
Natuod gihapon an senador nga mayda nagruruba ha iya ngaran para ha 2028 elections.
Nanawagan naman an senador ha publiko ha dire tumuod ha mga nagpapasarang han mga peke nga balita kasumpay ha nasabi nga istoryahon.
