-- Advertisements --
INTERNATIONAL NEWS- Ginbatikos nira US Vice President JD Vance ngan Secretary of State Marco Rubio an nagin pitad ni Israel Parliament kasumpay ha pag-angkon ha West Bank.
Gin-aprubaran mangud han manbaralaod han Israel an balaodnon nga parte na nira an West Bank.
An West Bank mangud in madugay na nga gintatag-iyahan han Palestine kumo kaparte han ira independent state.
Dugang pa ni Vance nga “stupid political stunt” an nasabi nga pitad.
Sumala naman kan Rubio an ginhimo han Israel in maguguba ha plano ni US President Donald Trump nga humanon an giyera ha Gaza.
Gindiwara naman ni Israeli Prime Minister Benjamin Netanyahu nga aprubado niya an nasabi nga pitad ngan gintutudlok nga binuhatan ine hiton oposition group ha parliyamento.
