TACLOBAN CITY – Usa nga preso han Southern Leyte Police Station an umiskapo samtang nakada ine ha sulod han iya selda.
Ginkilala ine kan Andrew Ajero, 35-anyos an pangidaron, ngan residente han Brgy. Pong-oy han nasabi nga munisipalidad.
Sumala kan PCpt. Mark David Velmonte, Acting Chief of Police hiton San Juan Municipal Police Station, umiskapo ine pinaagi han pagtanggal han upat kabug-os nga rehas han bintana ha iya detention cell.
Nakagawas an nasabi nga preso dida han nakalabay nga Hunyo 24 samtang nagseselebrar han desperas han kapatrunan an mao nga munisipyo.
Nahibaruan gihapon nga an asawa han preso an naghatag han lagari o sirutso ngadto naman han preso kun diin nakuha ha lugar han insidente an ginamit hine nga lagari.
Mayda naman ine kaso nga Rape under Article 266 ha nasabi nga istasyon.
Ha pagkayana in padayun naman nga ginbibiling han mga otoridad an nasabi nga preso.
