TACLOBAN CITY– Naugbaw ha sunog an usa nga panimalay ha JPR Subdivision Brgy. Carmen, Calbayog City.
Sumala kan SFO1 Roy Marquez Fire Investigator han Calbayog City Fire Station, may-ada nakarawat nga tawag an ira buhatan nga sunog banda 10:49 han aga kun diin dayun naman ine nga ginrespondihan han mga otoridad.
Subay han mao nga opisyal, nakadto naman an duha nga anak han tag-iya han panimalay, usa nga 11-anyos nga bata nga 26 anyos nga babaye nga kun diin nakit-an nira an kalayo ngan dayun naman ine nga nakagawas haira balay
Nakontrol naman han mga bombero an sunog alas 11:54 han aga.
Mababaruan nga maabot hin P1.5 milyon an ginbayaan nga danyos han nasabi nga sunog.
Waray naman nasamaran o casualties nga mga civilian ngan ha pagkayana in padayun la gihapon an imbestigasyun han mga otoridad agud mahibaruan an hinungdan han mao nga sunog.
