NATIONAL – Nakapag-desisyon na hi Alice Guo nga utro dumalagan pagka-alkalde han Bamban, Tarlac, ine in gin-kumpirma han iya legal counsel nga hi Atty. Stephen David.
Ine in ha kaluyo han gin-kakaatubang nga patong-patong nga kaso han ginpatalsik nga Mayor han Bamban, Tarlac nga may paghisumpay ha iligal nga operasyon han POGO ha nasud.
Kun manunumduman nga nagdesisyon an Ombudsman nga tanggalon ha serbisyo hi Guo, diin ginhuhulat nala yana hiton iya kampo kun sisirotan ine hin perpetual disqualification han Ombudsman.
Sumala ha Commission on Elections (COMELEC), diri nira puydi pugngan hi Guo kun inkaso magsalawad ine hiton iya kandidatura.
Pero pagklaro hiton komisyon, nga diri naman otomatiko nga magigin kandidato an hin-o man nga magsasalawad hin COC.
