TACLOBAN CITY – Ginpasabot han Department of Public Works and Highways Region 8 nga nagkaada hin pagbabag-o ha ginpapag planuhan nga pagtitindog han ika duha nga San Juanico Bridge nga an panuyuan an pagdugtong han Probinsya han Leyte ngan Samar Province.
Lakip ha pagbabag-o in imbis nga ha Babatngon makadto an tulay tikang ha Samar side, in pagtitindugon na ini ha may Cabalawan nga area han Syudad han Tacloban, ngan pati gihapon nga imbis upat ka linya, in magigin duha nala ini mahitungod nga diri daw ini feasible labi na ha ekonomiya.
Sumala kan DPWH Region 8 Regional Director Edgar Tabacon nga waray pa magtikang an konstruksyon han mao nga tulay mahitungod nga an nagbuhat han feasibility study in an Japan International Cooperation Agency (JICA).
“At first, pinangarap natin na yung second bridge ay magiging four lanes but then, economic hindi po feasible na magkaganun. So, yung existing natin is still, mayroon na tayong for repair plan and work for that bridge.” Yakan pa ni Tabacon.
Dugang pa niya nga ha kaluyo han pagtindog han mao nga tulay in padayon la gihapon nga gagamitun an San Juanico Bridge kay hihimuon nga magkaiba nga tulay an gagamiton para han mga tikadto ha Samar ngan tisulod ha Isla han Leyte.
“Yung ating San Juanico Bridge II ay nasa tabi, kasi ang plano natin kung 2 lanes ang ating second San Juanico ay going to Samar from Leyte will used the first bridge, and then yung Samar to Leyte ay dito nalang sa kabila kasi it will compliment the 4 lanes natin na gawin natin for Maharlika.” dugang pa ni Tabacon.
Ginlalauman naman nga magpapagawas an ahensya han final feasibility study report mahuman an pira ka beses nga on-site inspection han JICA ha Disyembre 2024 nga kun diin, waray pa liwat iginpasabot nga project cost.
Posible magtikang an proyekto ha tuig 2025 nga kun diin, basar ha mga eksperto, in ginbabana bana nga pag abot ha 2030 an traffic volume in mahitaas ha 10,900 kada adlaw nga sobra pa han limit, ngan maabot ha 15,900 ha 2040.
An San Juanico Bridge in gintindog dida han 1973 nga kun diin, nag aatubang hin damo nga mga issues sugad han kaiha na ngan mahal nga maintenance costs.
