-- Advertisements --
TACLOBAN CITY – Dakop ha ginhimo nga buy bust operation han Philippine Drug Enforcement Agency (PDEA) ngan Bato Municipal Police Station an usa nga drug personality ha Bonifacio St. Brgy. Bagombayan Bato, Leyte.
Ginkilala an supek kan Fernando Javar Paculaba Jr, 38-anyos usa nga nurse ngan residente han Brgy. Bagombayan Bato, Leyte.
Sumala kan Rogelett Urgel Information Officer han PDEA Regional Office 8, nabaruan nga kaupod ha lista han high value individuals han PDEA an mao nga suspek.
Nakumpiska naman an lima nga sachet han gin aalegar nga shabu ngan usa nga P1,000 marked money.
Ha pagkayana in aada na ha kustodiya han Bato MPS an suspek ngan maatubang ha kaso nga pagtalapas han R.A 9165 o The Comprehensive Dangerous Act of 2022.
