TACLOBAN CITY – Ginlugos han mismo security guard han quarantine facility ha Sitio Cayangian, Brgy. Tinghub, Villaba, Leyte an usa nga 44 anyos nga locally stranded individual (LSI).
Sitio Cayangian, Brgy. Tinghub, Villaba, Leyte an usa nga 44
anyos nga locally stranded individual (LSI)
Base ha usa nga facebook video statement, ginkumpirma hiton municipal administrator nga hi Teddy Vapor nga duha kabeses ginpanamas-tamasan han suspek nga ginkilala kan Ronie Condes an biktima nga LSI.
Syahan hiya nga ginlugos dida han nakalabay nga Agosto 15 kun diin sumulod daw an mao nga security guard ha kwarto han biktima ngan gintutukan ini hin pusil.
Waray daw makapalag an biktima tungod han iya kahadlok sanglit malinampuson hini nabuhat an iya maraot nga panuyo.
Dida liwat han nakalabay nga Lunes, Agosto 17 in utro na naman hiya nga gin-rape han suspek sanglit napugos na an biktima nga magsumat ha mga nurse nga bumisita haiya.
Dayon naman nga ginpadakop ni Mayor Jorge Gorge Veloso an suspek mahuman hini mkarawat an sumbong han biktima.
Sumala kan Veloso nga diri niya kokonsetihon an mga sugad nga klase hin pan-aabuso sanglit nagmando ini igterminate an suspek kumo usa ini nga job order employee han munisipyo.Desido naman nga magpasaka hin kaso nga rape an 44 anyos nga biktima.
