TACLOBAN CITY- Patay an usa nga lalaki ha Brgy. Magsaysay Sta. Rita Samar mahuman nga makit-an nga nakahigot an li-og hgine hin tire wire ngan waray na kinabuhi.
Sumala kan PMsgt. Fransisco Morales, Duty Investigator ha Sta. Rita Municipal Police Station, syahan nga kumita han biktima an iya kausa nga construction worker nga hi Ariel Abgao, 28-anyos an pangidaron, ngan residente han Brgy. Lipata Marabut Samar.
Ginkilala naman an biktima kan Antonio Rodriguez Yangki Colete, 47-anyos an pangidaron, usa nga construction worker, ngan residente han Brgy. Magsaysay Sta. Rita Samar.
Subay han mao nga opisyal, an biktima in trabahante han pag-ayad han tulay ha Brgy. Magsaysay Sta. Rita Samar.
Basar han imbestigasyun han mga otoridad, nakadto an biktima han comfort room kun diin nakahigot an liog hine gamit hin tire wire ngan waray na kinabuhi.
Nahibaruan naman nga an an biktima in masukot la mag-ininom hin makahurubog nga irimnon.
Waray naman nakihit-an nga bisan ano nga gasgas ha parte han iya lawas nga gin-aalegar nga may-ada nagpatay hine.
Ha pagkayana in padayon la gihapon an pagdumara hin imbestigasyon han mga kapulisan agud mahibaruan an hinungdan han insidente.
