TACLOBAN CITY — Samaran an usa nga Barangay Kagawad mahuman nga pagpusilon han iya la mismo kalugaringon bilas ha Barangay Balud, Sta. Margarita, Samar.
Kinilala an biktima kan Brgy. Kagawad Randy Uy, ada ha sakto nga pangidaron, samtang kinilala an suspek kan Brgy. Kagawad Salvador Getigan nga pareho nag-uukoy ha mao nga baranggay.
Sumala kan PLt. Lorven Deraco, Chief of Police han Sta. Margarita Municipal Police Station, duro na an kangaralson han suspek ha biktima rason han pagpusila hini kun diin nag-angkon an biktima hin inig-an hin bala ha iya dughan.
Basar ha inisyal nga imbestigasyon, maiha na nga mayda delito kaparte hiton tuna an pamilya han suspek ngan han biktima.
An mao ngadaw nga tuna in gintatag-iyahan han ira Dada nga aadto ha iba nga nasud kun diin an biktima an naging caretaker han mao nga tuna.
Nagkamayda naman hin pauba-uba ha nasabi nga tuna dida han maibaligya ini ha iba kun diin an suspek an naging caretaker.
Nakuha naman han mga otoridad ha crime scene an usa kabug-os nga bala han kalibre 45.
Samtang, gindudumara na an hot pursuit operation ha suspek nga umiskapo ha bukid mahuman an insidente.
