TACLOBAN CITY – Patay an usa nga babaye mahuman nga maghikog han iya kalugaringon ha Gandara Samar.
Ginkilala an biktima kan Romarie Agravante, 20-anyos, ngan residente han Barangay Casandig, Gandara Samar.
Sumala kan PMaj. Rio Tan, OIC COP Gandara MPS, nahitabo ine dida han Disyembre 4 kun diin nagkamay-ada an biktima hin emotional depression mahuman nga masabtan daw nga may-ada babaye an iya uyab.
Subay ha imbestigasyon han mga otoridad, may-ada daw ine dara nga pisi ngan sumaka daw ine ha ira balay.
Pira naman ka minutos an nakalabay in may-ada hira nabatian nga karadol ngan dayun naman ginkita han pamilya hine kun diin nahikit-an an nakabitay na nga biktima.
Nadara pa an mao nga biktima ha hospital pero gindeklara na ine ngan dead on arrival.
