NATIONAL–Usa nga US-based Filipino Doctor nga mayada kliyente nga mga Hollywood Stars ngan riko nga pamilya an nahihireport nga posible nga sumaliwan kan Health Secretary Ted Herbosa, sumala ha kolumnista nga hi Ramon Tulfo.
Sumala kan Tulfo, hi Dr. Ronald Rigor, usa nga doktor ha Beverly Hills, an mayada plano nga gamiton an pondo han PhilHealth agud nga masakop an bug-os nga bayad ha ospital para ha mga Pilipino.
Ginmalatuamat ni Tulfo ha social media nga ginplaplano ni Rigor nga gamiton an ngtanan nga kwarta han PhilHealth para ha ‘zero balance’ hospitalization.
Ginmalatuamt gihapon ni Tulfo nga naruruyag hi Rigor nga iglakip an pira ka private hospitals ha coverage han zero-balance system kun igtudlok ini kumo health secretary.
An himangrawon ha posible nga pagsaliwan kan Herbosa in in mahitungod han mga alegasyon han korapsyon ha Department of Health (DOH).
Kaakip ha mga alegasyon an P1.29-B cash transfer ha UNICEF para ha bakuna ngan essenial medicines tikang han Pebrero 2024 hasta ika 30 han Hulyo, 2024, ngha waray pa naliquidate; Pag-aprubar ha dugang nga P524.9-M para ha pagpalit hin bakuna tikang ha UNICEF samtang waray pa naliquidate an nauna nga pondo; P98-M nga gastos ha DZMM program nga ginpangulohan ni herbosa upod hi DOH Health Promotion Bureau Director Tina Marasigan ngan Assistant Secretary Albert Domingo.
Courtesy | Drrigorskin
