TACLOBAN CITY – Ginlalamayan na ha pagkayana an unom nga mga kasundaluhan nga nag sakripisyo han ira mga kinabuhi ha nahitabo nga engkwentro ha butnga han mga militar ngan han maabot 50 nga miyembro han New People’s Army (NPA) ha Brgy. Pinanag-an Borongan City ha Eastern Samar.
Sumala kan Capt. Reynaldo Aragones, tagapagyakan hiton 8th Infantry Division, usa ha mga namatay nga sundalo in taga Luzon samtang an lima naman in tikang ha Eastern Visayas.
Pira ha mga ine in private first class, corporal ngan serhento.
Samtang ginpanhimuwa naman ni Capt. Aragones an nagsasarang nga report nga daw nadugngan pa an ihap han mga namatay nga sundalo.
Sumala ha iya yana in ada na ha maupay nga kabutangann an 20 nga sundalo nga nasamaran ha mao nga panhitabo.
Ginsigurado naman hini nga maipapadangat han gobyerno ngan han Philippine Army an tanan han mga benepisyo ngan assistance para ha pamilya han mga biktima.
