NEW YORK, USA – Ginkalipay ni United Nations Secretary-General Antonio Guterres an ginhimo nga pag-harampang han US ngan Iran agud maibanan an nuclear tension.
Ginpasalamatan hini an mga opisyal han Oman mahitungod nga hira an nag-offer nga didto pagbuhaton an nasabi nga pag-harampang.
Manunumduman nga nagkamayda hin pag-harampang an mga tinaglawas han US ngan Iran kun diin gintutudlok han kadam-an nga ini in usa nga maupay nga pagtikang.
Pira nga mga nasud sugad han Qatar ngan Turkiye an nanawagan naman hin pag-hisgot agud malikayan an bisan ano nga paglunsar han kasamok.
Siyahan na nga nagtarhog hi US President Donald Trumpnga dire hira magruruwaduwa nga atakihon an Iran kun magmamatig-a ini makig-istorya ngan dire undangan an paghimo hin mga nuclear weapons.
