TACLOBAN CITY – Pormal na nga gin turn-over an pamunuan han Eastern Visayas Medical Center o kun EVMC ha bago hini nga Medical Chief nga hi Dr. Joseph Michael Jaro, ngan an iya ginbalyuan in hi Dr. Salvador Evardone.
Ini in mahuman han pira ka semana han pagkakaada hin kawurok han mga empleyado han ospital mahitungod han pagkakaada hin duha nga Medical Chief.
Sumala kan Dr. Joseph Michael Jaro, Bag-o nga Medical Chief han Eastern Visayas Medical Center, nga ha iya administrasyon in lauman an inclusivity ngan accountability han ospital ha kada miyembro han institusyon, ngan sugad man gihapon nga iya igpapadayon an mga mag upay nga mga ginbuhat han na una nga administrasyon.
Dugang pa hine, nga diri makakaunhan an usa nga organisasyon kun diri magbuburublig an kada usa mahitungod nga an pagigin manilampuson hini in nakadepende ha paningkamut ngan pagbuburublig hiton ngatanan.
Mababaruan, nga umatender ha nasabi nga turnover ceremony an pira nga mga opisyal han ospital, sugad kanda Department of Health-OIC Undersecretary Gloria Balboa, Department of Health Eastern Visayas Regional Director Dr. Exuperia Sabalberino, Dr. Salvador Evardone ngan iba pa.
