TACLOBAN CITY – Maabot ha tulo na anay rebelde ha probinsya han Eastern Samar an nakakarawat hin financial assistance ha ilarom han Comprehensive Local Integration Program (CLIP).
Guinpangunahan an awarding han financial asistance ni Department of Interior and Local Government (DILG) Eastern Samar Provincial Director Visitacion Giva ngan 14th Infantry Battalion Commander Lt. Col. Manuel Leo Gador .
Subay ha guinpagawas na impormasyon nga an kada tagsa nga rebelde in nakakarawat hin tag PHP65,000 para magamit ha pagpakabuhi.
May kalabutan hini, usa han mga sumurender nga rebelde in nakakarawat hin kadugangan na PHP15,500 mahitungod ha guin- uli hini nga armas de fuego.
Mababaruan na an mao na mga rebelde in nakakompleto hin duha kaadlaw na training ha values formation ngan livelihood project management ha provincial capitol ugsa pa man na kumarawat han financial assistance.
Utro naman na guinpanawagan han mga otoridad nga sumurender an mga rebelde nga grupo agud magbag-o an dalagan han kinabuhi han mga ini ngan makab-ot an hul-os na kamurayawan ha bug-os na Sinirangan Bisayas.
