NATIONAL – Gin iimbestigahan na han Commission on Elections (COMELEC) an tulo nga nadakop han Sta. Cruz, Laguna nga nagpanggap nga empleyado han poll body. An mga naaresto in nagamit han mga peke nga dokumento ngan bisan an sarakyan han mga ine in mayda gihapon logo han COMELEC.
Sumala kan Commission on Elections (COMELEC) Chairman George Erwin Garcia, ginpapagawas han tulo nga arestado nga daw empleyado hira han Task Force Kontra-Bigay ngan nag-iinspect ha usa nga iskuylahan ha Laguna han mga Automated Counting Machines (ACMs), kun diin ginklaro pa naman han nasabi nga komisyuner nga dire na Task Force an Kontra-Bigay yana nga piniliay kundi usa na nga komite, sanglit dire tinuod nga empleyado an mga ine.
Gin sigurado naman ni Garcia nga papasakahan nira hin kaso ha piskalya an tulo nga mga indibidwal, kun diin posible nga maatubang an mga ine ha reklamo nga usurpation of authority ngan falsification of public documents.
Gin klaro gihapon hine ha publiko nga kun magpapadara man an mga tawuhan an COMELEC Main Office in coordinated ine ha local COMELEC.
Ha kaso han mga ine, dire daw maaram an mismo nga local office han COMELEC.
