METRO MANILA – Ginpahayag ni Senador Robin Padilla nga mabaribad an Senate minority bloc ha pag-convene han impeachment court kun isumite han Kamara de Representantes an articles of impeachment kontra kan Vice President Sara Duterte.
Depensar han Senador, kaparte han responsibilidad han minority an mag-oppose kumo pagsunod ha parliamentary procedure, bisan pa may panunumpa an mga Senador kumo hukom.
Dugang pa hini, nag-aandam na gihapon hiya kun lumingkod naman hiya kumo senator-judge.
Samtang, dire abuyon gihapon ha impeachment hi Senador Jinggoy Estrada mahitungod nga damo pa an problema han nasud kaysa hini, ngan ginduon niya nga pagbabasaran la gihapon an ebidensya kun madadayon ba o dire an proseso.
Ginsigurado naman ni Senador Alan Peter Cayetano nga masunod an minority bloc ha mga aludayday.
