INTERNATIONAL–Ginpadara han White House hi border czar Tom Homan ha Minneapolis.
Mahuman ini han nahitabo nga komosyon mahitungod ha pamumusil han Immigration Customs Enforcement (ICE) nga nagdurot ha pagkamatay ni Alex Pretti.
Ginmalatumat ni White House Press Secretary Karoline Leavitt nga bisan nga mayada nahitabo nga pamumusil in igpapadyon la gihapon an deportasyon.
Ginklaro naman hini nga mayada mahugot nga imbestigasyon nga pagbubuhaton han mga otoridad kasumpay han nasabi nga pamumusil.
Ginduon naman hini nga karuyag ni President Donald Trump nga mahuman na gihapon an komosyon ha Minnesota.
Nagkamayada hin gin-aalegar nga pag-iistorya ha telepono hira Trump ngan Minnesota Governor Tim Walz kun diin gin-aalegar nga tumugot na an US President nga ibanan an ihap han mga ICE agents.
