TACLOBAN CITY – Naghuman na an gindumara nga training para ha Basic Lineworkers’ Training Course (BLTC) han Eastern Samar Electric Cooperative (ESAMELCO).
Sumala kan Eastern Samar Electric Cooperative (ESAMELCO) General Manager, Atty. Edwin Amancio, haros usa ka-bulan an ginbuhat nga training ha mga partipante han nasabi nga kurso kun diin an iba hine in mga empleyado mismo ngan an iba naman in mga bag-o la.
Ha pagtikang, 55 nga partisipante an bulig kun diin 26 han mga ine tikang ha magkaduru-dilain nga ESAMELCO Area Office ngan an 29 naman in mga baguhan ngan dire empleyado han kooperatiba.
Mahuman an haros usa kabulan in 48 nala an nahibilin ngan kumarawat han ira Certificate of Completion dida han nakalabay nga adlaw.
Samtang, 16 naman ha mga completers an nagpahayag hin pagkaruyag nga magserbi ha ira kooperatiba ngan willing mahi-assign an iba nga area office han ESAMELCO.
