TACLOBAN CITY – Patay an usa ha magbugto nga nahipatik nga nagtibasay ha Brgy. Villa Enage, Biliran, Biliran.
Sumala kan Biliran Municipal Police Station Officer-in-Charge, PLt. Jimmy De Lima, nagkamay-ada hin mapaso nga debate an magbugto ugsa mahitabo an insidente.
Basar han imbestigasyon, banda alas-4 han kulop han magka-tangka ha pag-inom an suspek ngan biktima kaupod an ira duha pa nga barkada, kun diin durante han ira paghampang in nagkamay-ada an mga ine hin pagbatunay ngan gin ayat daw han biktima an suspek nga kun mayda daw hiya sala in patayon nala hiya.
Kahuman daw magyakan han biktima in kumadto ine ha may ligid han karsada ngan nagtanggal han iya bado ngan humapa ha karsada.
Nagyakan naman daw liwat an biktima nga ‘sige’ ngan babalikon an biktima, kahuman in sumulod ine ha ira balay ngan kumuha hin sundang.
Ha paggawas han suspek in nadidto pa an biktima nahigda ha karsada sanglit gin daop hine an biktima ngan ginpanigbas.
Nag-angkon naman an biktima hin tinigbasan ha luyo han ulo hine, ubos han may ulo, ngan ha may bungkog.
Mag-aatubang naman an suspek hin kaso nga homicide.
