TACLOBAN CITY – Nagpapadayon an gindudumara nga Mayor’s Cup Inter-Barangay Basketball Tournament ha syudad hiton Tacloban.
Sumala kan Tacloban City Sports Office Head, Michael Dela Peña, nagtikang an nasabi nga paisan-isan dida han Oktubre 28 han presente ngan an mga bulig hine in tikang la ha sulod mismo han Tacloban.
Gintikangan naman dida han nakalabay nga smana, Nobyembre 22, an play offs han nasabi nga tournament ngan mag-iiha naman kutob Nobyembre 30, kun diin amu gihapon an petsa han Championship Game.
Dugang pa hine, ha 138 nga mga barangay han syudad in ada ha 88 an bumulig ha nasabi nga paisan-isan.
Ginturunga naman an 88 nga mga barangay ha 22 ka-bracket ngan kada bracket in mayda upat nga teams.
Makarawat naman hin P10,000 an First Place, P7,000 ha Second Place, ngan P5,000 naman an Third Place.
