TACLOBAN CITY – Nagpaka-deploy na an mga tourist police nga magbabantay ngan manginginano ha seguridad han mga turista – mapa-lokal man o nasyunal nga turista.
Sumala kan PCpt. Hazel Vacal, Information officer hiton Leyte Police Provincial Office, kada tourist destination manggud han Leyte in mayda mga kapulisan nga nagpakatudlok nga magbabantay.
Ha McArthur Park daw in mas ginpakuru-kusog pa nira an turismo pinaagi han Provincial Government han Leyte sanglit nagtudlok daw gihapon an Leyte Police Provincial Office hin mga tourist police nga magsisiguro han seguridad han mga mabisita nga katawhan.
Naghatag gihapon hin suporta an probinsya ngadto ha mga kapulisan pinaagi hin mga sarakyan nga hoverboard nga magagamit han mga ine ha pagduty.
Para naman daw ngadto han mga beaches nga tourist destination in an mga Municipal Police Stations an naghahatag hin seguridad ngadto han mga turista.
Ha pagkayana, an McArthur Park daw an ira mas ginpakuru-kusog mahitungod nga damo an nabisita hine mahitungod gihapon nga accessible ine ha mga katawhan.
