TACLOBAN CITY – Maabot ha 70 nga mga suspek an naaresto ngan pito nga magkadirudilain nga kalibre hin mga armas an narekopo han mga kapulisan ha gindumara nga Anti-Criminality Law Enforcement Operations han Tacloban City Police Office ha ilarom han Oplan Rikupo.
Sumala kan Pol. Maj. Marjorie Manuta, tagapagyakan han TCPO, an mao nga ihap han mga naaresto nga suspek ngan narekopo nga mga armas in mas hitaas o labaw ha target han mga kapulisan ha ira anti-criminality operations han naglabay nga bulan han Pebrero.
An mao nga operasyon in nagpapanuyo nga mapuypoy an kriminalidad ngan masiguro an kahimyang ngan katalwasan han mga molopyo ha bug-os nga syudad.
Ginsiguro naman hini mga magpapadayon an mga operasyon nga pagbubuhaton han mga kapulisan ha syudad tikang ha nga operating units han Police Station 1, Police Station 2, Drug Enforcement Unit ngan an City Mobile Force Company.
