-- Advertisements --
TACLOBAN CITY – Padayun la gihapon an ginbubuhat nga Tax Mapping o panginano ha mga tindahan kun nagsusunod ba an mga ine ha balaud nga ginpapatutuman han Bureau of Internal Revenue.
Sumala kan Gemafiel Gaspay, Head han Business Permit and Licensing Division han Tacloban City, padayun an ira panhatag hin mga notices ha mga tindahan nga dire na-comply han mga regulatory requirements ngan dire nabayad han ira mga buwis.
Pira naman nga mga tindahan adton mga ginpasara mahitungod han mga nasabi nga pagtalapas ha balaud.
Ha pagkayana daw in tapos an ira pagbuhat hin tax mapping ngan panhatag hin issue ha norte nga parte ha syudad.
