TACLOBAN CITY – Posible nga pagtikangan han pag-umento han ngatanan nga panginahanglan an pag-umento han pangunahon nga papliton.
Ini an sumala kan Philippine Chamber of Commerce and Industry Eastern Visayas Regional Director, Eugene Tan.
Kabahin han nakatalaan nga pag-umento han presyo han mga pangunahon nga papliton kahuman hiton bulan han Abril han presente nga tuig.
Sumala pa kan Tan, dako an igin umento han presyo han lana kun diin haros nag-tulo kapin an kantidad hini tikang han magtikang an presente nga krisis, durot han kasamok ha Middle East.
Labot la hiton presyo han pangunahon nga papliton ngan gasolina in naghitaas na gihapon an sukot ha logistics ngan hardware sugad hiton mga materyales ha konstruksyon kun diin haros 20% an igin umento hini.
Dugang ni Tan, hini nga panhitabo in ginlalauman na an pagsusrunod han pag-umento han mga presyo han iba pa nga mga produkto ha nasud.
