TACLOBAN CITY – Nanawagan an tagmangulo han Merkado Publiko ha Tacloban ha tanan nga mga vendors nga magsunod ha mga igintudlok nga area kun diin la pupuydi nga magbaligya.
Ini in mahuman nga maobserbaran nga pira ha mga paragbaligya hin isda an imbes nga didto ha fish section building magbaligya in aadto lugod na pwesto ha mga ligid hiton kalsada.
Sumala kan Carlos Dave Castillo, tagmangulo han Tacloban City Public Market, matungod nga han naglabay nga mga bulan in nagin pokus nira an pagbabantay han kada entry ngan exit points han merkado matungod ha hulga han COVID-19, may pipira nga mga vendors liwat an nansingabot ngan nanpwesto ha mga ligid han kalsada bisan man nga ini in mahugot nga ginbabawal.Kasumpay hini in nagbugos hira hin team nga magbabantay ngan mandadakop ha magtiga iton ulo nga mga vendors.
