TACLOBAN CITY – Ginban ha siyudad han Tacloban an pagkarawat hin mga baboy tikang ha bungto han Abuyog, Leyte.
Ini in kasumpay han pakaghipatik han African Swine Fever (ASF) ha mao nga lugar.
Sumala kan Dr Eunice Alcantara, Head han City Veterinary Office nga ginpaalerto na nira an border ha siyudad han Tacloban subay naliwat han nagpapabilin nga Executive Order (EO).
Padayun liwat an ira pakipagsumpayan ha Bureau of Animal Industry- Veterinary Quarantine Station Region 8 (BAI-VQS),Provincial Agriculture ngan Veterinary Office agud nga diri makasakob ha siyudad han Tacloban an ASF.
Ha pagkayana in ira pa gin iistudyo an mga lugar nga sulod ha 10k tikang ha ground zero han ASF sugad han Javier, dulag, tolosa, tanuan, sta.fe, alang-alang, nga iba pa.
Ha pagkayana in ha probinsya han Samar la anay nakuha hin suplay hin baboy an Tacloban.
Samtang ginklaro liwat ni Alcantara nga ginlalauman nga magkamay-ada hin paghitaas han presyo han baboy tungod han kakulangan han suplay.
