TACLOBAN CITY: Maabot na ha 97% an officially enrolled students, an nahipatik han Tacloban DepEd City Division para yana nga S.Y 2024-2025.
Sumala kan Dr. Nilo Eder, Information Officer han Tacloban DepEd City Division, an nasabi nga porsyento in kabalyo han 53,718 nga mga estudyante, kun diin kulang pa ine ha ira target nga ihap nga nahipatik naman han nakalabay nga tuig nga ada ha
55,279 students.
Dugang pa hine, mayda pa hira laranaton nga 3% agud nga makab-ot nira an ira target students yana nga SY. 2024-25.
Ginmalatumat ni Eder, nga naglalaom hira nga madudugan pa an ihap han mga enrollees, matungod nga mayda iba nga mga kabataan nga nasulod na ha eskwelahan pero waray pa mahilakip ha ira gintatawag nga LIS.
Ginpaangbit naman hine, nga abre pa mangarawat an mga ekswelahan kutob ha katapusan hiton bulan han Agusto han presente nga tuig.
Gin-aaghat naman ine adton mga estudyante nga magpa-enroll na, agud nga nadire mahibayaan hiton mga topic nga ira pag-iistuyuhan, ilabi na nga magtitikang an 1st quarter examination ha Setyembre 23–24, 2024.
