TACLOBAN CITY – Nanawagan an Tacloban City Health Office ha mga katawhan nga magpaturok na hin booster dose.
Sumala kan Dra. Gloria Fabrigas, head han Tacloban City Health Office, nagtikang an ira panturok hin second booster dose ngada pa han naglabay nga Abril ngan yana in abelable na gihapon ini para ha iba nga mga eligible categories.
Dugang pa hini nga pwede na nga magpaturok hin first ngan second booster dose an mga katawhan nga ada ha A1, A2, A3, A4 population ngan mga may commorbidities.
Gindudumara naman an panurok hin booster doses ha vaccination sites han syudad sugadman ha mga district health centers.
Utro naman nga gintagan hin duon han mao nga opisyal an importansya han pagpapaturok hin booster dose agud nga magkaada hin mas makusog nga proteksyon kontra ha COVID-19.
