TACLOBAN CITY – Mag-iimplementar an Department of Social Welafre and Developemt (DSWD) Region 8, hin Sustainable Livelihood Program (SLP) para makaghatag hin negosyo ha mga nagkukuri nga mga pamilya.
Sumala kan Kersey Badocdoc, Information Officer han DWSD Regional Office-8, ine nga SLP in usa nga programa han gobyerno pinaagi han DSWD nga may-ada panuyuan nga maghatag hin pakabuhi ha mga identified poor families.
Priority han nasabi nga programa an mga 4ps beneficiary.
Dinhe ha Eastern Bisayas in may-ada daw gintatawag nga ‘Enterprise Development Truck’, nga naghahatag hin capital an DSWD ngadto han mga benepisyaryo pinaagi han pagporma hin asosasyon kun diin an kada myembro hine may-ada allocation nga tag P20,000.
Dugang pa han mao nga opisyal, nga an kada benipisyaryo daw in hira mismo mapili kun ano nga negosyo itun ira karuyag pilion ngan aasisteran naman ine han mga Project Development Officer haida tagsa-tagsa nga areas.
Gin-aaghat naman han mao nga buhatan an mga benepisyaryo nga mag-engage ha food production ngan agriculture tungod nga amo itun demand ha pagkayana.
