TACLOBAN CITY – Pira nga susrunod nga buy-bust operation an gindumara han mga otoridad ha magkaduru-dilain nga parte han rehiyon kun diin arestado tanan an mga suspek.
Ha syahan nga buy-bust operation nga gindumara ha Brgy Ipil, Ormoc City, arestado an suspek nga hi alyas Ford kun diin nakuha haiya an lima ka-pakete an gin aalegar nga shabu nga mayda kabug-aton nga MOL 1.98 grams ngan mayda market value nga P13,464.
Samtang, ha usa pa nga operasyon han mga otoridad in arestado gihapon ha Brgy Pagasungan, Baybay City, Leyte hi alyas Ben kun diin nakuhaan ine hin tulo ka-sachet han gin aalegar nga droga nga mayda kabug-aton nga 0.45 kagramos ngan nagkakantidad hin P3,000.
Arestado gihapon hi alyas Tope han ginbuhat nga buy-bust operation han mga kapulisan ha Brgy 3, Balangiga, Eastern Samar. Nakuha naman ha iya an walo kabug-os han shabu nga may kabug-aton nga 0.75 ka gramos ngan mayda market value nga P8,000.
Ha pagkayana in nakapaslak na an mga suspek ha presohan nga mag-aatubang ha kaso-pagtalapas ha RA 9165 o Comprehensive Dangerous Act of 2002.
