-- Advertisements --
TACLOBAN CITY — Nagbuhat hin search operation an mga kapulisan han probinsya han Biliran ha panimalay han gin aalegar nga suspek han pagpanmusil-patay ha anay US Marine ha Bato, Biliran, Biliran.
Subject ha mao nga police search operation an panimalay ni Maximo Bacalla, 58 anyos an pangidaron, residente han Barangay Burabod, ngan empleyado han LGU-Biliran.
Sumala ha pira nga mga source nga hi Maximo Bacalla aka Loklok in usa ha suspek han shooting kan Harvey Gene Abrams dida han nakalabay nga Marso 10.
Nakuha han mga kapulisan ha ginbuhat nga search operation an 1 unit hand grenade, 1 unit .38 revolver (Smith & Wesson), 4 pcs. live ammos han Cal .38 ngan 1 PC holster.
Ha pagkayana in nakapaslak na ha Naval Police Station hi Bacalla.
