-- Advertisements --
TACLOBAN CITY– Boluntaryo nga sumurender an suspek ha natabo nga shooting incident ha Brgy. Tutug-an Barugo, Leyte.
Ginkilala an biktima kan Marlon Bustillo Espayos, 31 anyos ngan residente han mao nga barangay.
Samtang ginkilala naman an suspek kan Rodolfo Panis Daganasin, 54-anyos ngan residente han parehos nga lugar.
Sumala PCpt. Renato Gerona, OIC Chief of Police Barugo Municipal Police Station, subay ha ira gindumara nga imbestigasyon nga kumadto ha balay han suspek, an nasabi nga biktima ngan nagkamayda hin dire pagkaka-intindihay parte ha tuna, kun diin dayon ine nga ginpusil han suspek an biktima, nga nakag-angkon naman hin igo ha wala nga braso.
Hapagkyana, kapot na ine han mga kapulisan ngan maatubang ha kaso nga Frustrated homicide.
