TACLOBAN CITY — Deri pa gud sugad ka-supesyente an suplay han karne ha Tacloban mahuman nga umigo an African Swine Fever (ASF) virus ha pira nga baranggay ha siyudad han naglabay nga tuig.
Sumala kan Romelo Anade, Head han Tacloban City Agriculture Office, hinay-hinay nga nagrerekober an siyudad ha pag-produce hin mga local supply han karne hin baboy.
Nakikipagsumpayan na gihapon an ira opisina ha City Veterinary Office agud maaghat an mga parag-uma ha Tacloban nga deri la maging dependent ha mga utanon kundi pati na gihapon ha pag-aataman hin baboy o ha mga manukan.
Bisan ngadaw an mga backyard growers in pwede makabulig ha pagpadamo han supply hin karne ha merkado sugadman para makahatag hin suporta ha tagsa pamilya.
Matungod nga waray mga commercial growers an Tacloban in naglalaum an City Agri Office nga magdadamo an mga backyard growers ha siyudad agud makadugang ha paghahatag hin suplay han karne ha merkado.
