NATIONAL – Ginsigurado han National Food Authority nga may sakto nga suplay an bugas an bug-os nga nasud kutob mahuman an Semana Santa.
Sumala kan NFA Administrator Larry Lacson, nga may 358,000MT hin bugas an gobyerno o kaparehas hin 7.16M nga sako, nga sakot ha sakob hiton sobra siyam ka-adlaw.
Sumala pa kan Lacson, nga nakatutok gihapon hira nga madugangan pa an buffer stock han bugas nga masakto kutob 15 ka-adlaw, kasunod na han Rice Tariffication Law.
Nagkikinahanglan hin P8B agud makumpleto an buffer stock han bugas nga masakto ha 15 ka adlaw.
Sugadman, waray naman ginkonsidera han NFA an paghangyo hin kadugangan nga pondo mahitungod nga puydi naman hira humalin ngan makapalit hin humay kun maibaligya an mga nakatirok nga bugas ha mga bodega.
