NATIONAL– Bumaribad an Office of the Solicitor General (OSG) nga magin tinaglawas ha mga opisyal han gobyerno nga ginkwe-kwestyon ha petisyon nga ginhaon ha Korte Suprema kasumpay ha pag-aresto kan anay Pangulong Rodrigo Duterte ha kapas han warrant of arrest han International Criminal Court (ICC).
Ha ilarom mangud han balaod, an OSG an nagsisirbi nga abogado han gobyerno.
Pero ha kaluyo han ginhaon nga manifestation of recusal, nanindugan hi Solicitor General Menardo Guevarra nga waray hurisdiksiyon ha Pilipinas an ICC ngan an investigative, prosecutorial ngan judicial system ha nasud, sanglit nga posible dire ine magin epektibo ha pagrepresenta hiton mga respondent han mga kaso.
Ha katapusan, naghangyo hi Guevarra ha Korte Suprema nga igkonsidera an ira mosyon.
Waray naman igpaangbit han SolGen ha iya mosyon an isyu ha International Criminal Police Organization (Interpol) nga nagsarit ha Pilipinas kasumpay ha arrest warrant han anay Pangulo.
Manunumduman, una hine ginpanindugan han pira nga opisyal han gobyerno nga bisan waray hurisdiksiyon an ICC ha PH, miyembro la gihapon an nasud ha Interpol.
