TACLOBAN CITY — Nagawas ha pag-aram han Population Commission (Popcom) nga an social media an pinaka primero nga rason ha paghataas han ihap han teenage pregnancy ha Sinirangang Bisayas.
Sumala kan Reyan Arinto, tagapagyakan han POPCOM, nga nakakaalarma nga ha edad nga 10 anyos in may nagbuburod na nga bata imbes nga ada pala unta ha stage nga mulay ngan pagskwela pala an ginhuna huna.
Basar ha datus nga dako nga posiyento ha mga kabatan-unan yana in konektado ha social media kun diin ngadto nira nakukuha an mga maglaw-ay nga buruhaton sugad nala han pornograpiya nga nagduduso ha ira nga magbuhat han mga dri pa angay nga butang.
Dugang pa niya, nga may mga pag-aram naman nga gumawas nga an paglasurbo ni supertyphoon Yolanda an usa gihap nga ginkikita nga rason han paghataas han teenage pregnancy ha rehiyon tungod nga damo nga mga kabataan an nawarayan hin kag anak nga maggigiya ha ira pakadto ha maupay nga dalan.
