TACLOBAN CITY– Maabot ha sobra P1M nga kantidad hiton gin-aalegar nga shabu an nakumpiskar han mga otoridad ha Brgy Nahaong, Libagon, Southern Leyte.
Ginkilala an suspek kan Alyas “Boboy”.
Nakuha ha posisyon hine an unom ka sachet han gintutuohan nga shabu ngan ine in mayda estimated market value nga Php1,226,250.00.
Ha lain nga bahin, nabungkag naman han mga operatiba dinhi ha syudad an usa nga drug den ha Brgy 37, Seawall, Tacloban City.
Ginkilala an mga suspek kanda alyas “Joel” (maintainer), upat nga menor de edad, duha nga mga suspek nga nakalagiw han pag-aresto nga ginkilala nga hi alyas “Niko” (co-maintainer) ngan hi alyas “Dindo” (empleyado).
Sumala kan Rogelette Urgel, Information Officer PDEA Regional Office 8, nakumpiskar ha mga ine an 10 ka sachet han gintutuohan nga shabu nga mayda estimated market value nga Php88,900.00
Ha pagkayana, an tanan mga suspetsado in kapot na hiton mga otoridad ngan maatubang an mga ine ha kaso nga pagtalapas hiton RA 9165 o Comprehensive Dangerous Drugs Act 2002.
