-- ADVERTISEMENT --

TACLOBAN CITY– Maabot ha sobra 3.8M nga kantidad hiton gintutuohan nga shabu, an nakumpiskar hiton mga otoridad ha ira gindumara nga Greyhound Operations han Leyte Operatives ha Zone 2, Leyte Sub Provincial Jail Baybay City.

Sumala kan PLTCOL. Aljohn Teddy Llanes, Chief of Police, Baybay City Police Office, nakuha han ira grupo an pira nga mga gintutuohan nga ilegal nga droga nga ginbabana-bana naman nga may kabug-aton nga 654 gramo, kalakip ha ira nakuha an pira nga mga drug paraphernalia, sugad hiton Dorco Blade, gunting, lighter, pointed plastic, Cellular phones, ATM Card, booklet, transaction resibo, Head set, Pawnshop receipt, OTG usb adapter, LBC transaction receipt, US dollar, usa nga Bundle nga cash nga nagkakantidad hin P52,500.00, ngan usa pa nga Bundle nga cash nga nagkakantidad hin P90,000.00, alahas, Guide Booklet, Cylinder carton na may brown paper bag na nga nakaputos hin masking tape, Square clear glass, ngan styrofoam box.

Ginmalatumat hine nga ada ha 12 nga mga Persons Deprived of Liberty (PDL) an naatubang yana ha kaso nga pagtalapas ha Sections 11 at 12 ng RA 9165 o Comprehensive Dangerous Drugs Act of 2002.

Hapagkayana, gindara ha Baybay CPS an mga nakumpiskar nga ebidensya para ha dokumentasyon ngan sakto nga disposisyon, samtang an nakumpiskar naman nga mga gintutuohan nga shabu in dadad-on ha Ormoc City Forensic Unit, Brgy. Camp Downes Ormoc City para ha qualitative ngan quantitative analysis.