TACLOBAN CITY – Nakompleto na han mga magseserbe nga mga magturutdo kumo electoral board ha adlaw han eleksyon yana nga Mayo 9 an ira ginkikinahanglan nga training.
Sumala kan Jenette Fariola-Ruedas, Information Officer han COMELEC 8, maabot ha 18, 813 nga mga teachers an magseserbe ha adlaw han piniliay ngan mayda gihapon 4300 nga mga technical support staff nga nagpailarom gihapon ha training.
Labot pa hini, mayda gihapon support staff nga nakatuka ha pagsisiguro nga masusunod an health protocols kontra COVID-19 ha sakob han mga presinto ha adlaw han eleksyon.
Nahibaruan naman nga tikang ha dati nga P8,000 nga honorarium han mga electoral board chairpersons in magiging P10,000 na an ira makakarawat samtang tikang ha P6,000 in magiging P8,000 na an makakarawat han mga electoral board members ha eleksyon.
